संस्थेविषयी

पुर्णा अर्बन को.ऑप. क्रेडिट सोसायटी लि. सिल्लोड

पुर्णा अर्बन सिल्लोड या संस्थेची स्थापना श्री विश्वासराव बाबुराव गाढे यांच्या मार्गदर्शनाखाली दि.१६/१२/१९९९ रोजी नोंदणी केली व गेल्या २५ वर्षापूर्वी बोरगाव बाजार या छोट्‌याशा गावात दिनांक ०७/०१/२००० ला सुरुवात करण्यात आली यावेळी संस्थेचे कार्यक्षेत्र बोरगाव बाजार, बोरगाव सारवाणी, कोटनांद्रा या तीन गावापुरते मर्यादित होते, संस्था स्थापने पासून सतत नफ्यात असून" अ" वर्गात आहे.

बघता बघता पूर्णा अर्बनचा विस्तार विश्वास, पारदर्शकता, तंत्रज्ञान या त्रिसूत्री मुळे वाढतच गेला, संस्थेचा व्यवसाय वृंदीगत व्हावा यासाठी संस्थेने फेब्रुवारी २०१२ मध्ये तालुका कार्यक्षेत्राला मंजुरी मिळविली, बोरगाव बाजार परिसरातील सभासदां पाठोपाठ तालुक्यातील सभासदांना सेवा पुरविता यावी यासाठी शाखा विस्तार करून २०१६ मध्ये सिल्लोड तालुक्यातील आमठाणा, भराडी, सिल्लोड या शाखा सुरु करण्यात आल्या. सभासद, ठेवीदार, कर्जदार, खातेदारांच्या सहकार्याने संस्थेने सन २०२० मध्ये जिल्हा कार्यक्षेत्रास मंजुरी मिळविली. बघता बघता बोरगाव बाजार पासून सुरू झालेल्या या संस्थेच्या आता संभाजीनगर सह जिल्ह्यात १० शाखा कार्यरत आहेत, संस्थेने कृषी उत्पन्न बाजार समिती सिल्लोड च्या आवारातील गट क्र. ८१/१ मधील २९५३ (१५३७ स्क्वेर फुट) इमारत २९ वर्षाच्या कराराने भाडेतत्वावर घेण्यात आली आहे, येथे संस्थेचे मुख्यकार्यालय कार्यरत असून येथून सर्व शाखांचे व्यवहार केले जातात, संस्थेच्या सिल्लोड तालुक्यात १) बोरगाव बाजार, २) आमठाणा, ३) भराडी, ४) सिल्लोड, ५) शिवना, ६) मार्केट यार्ड सिल्लोड तर कन्नड तालुक्यात १) नाचनवेल, २) चिंचोली लिंबाजी ३) पिशोर व संभाजीनगर येथे टी.व्ही. सेंटर शाखा सभासदांचे सेवेत सुरु आहे, तसेच संस्थेची ११ वी शाखा गोळेगाव येथे लवकरच सुरू होत आहे.

संस्थेने आपल्या शेतकरी सभासदांच्या शेतीमालास योग्यभाव मिळावा या उद्देशाने माल साठवून ठेवण्याकरिता बोरगाव बाजार परिसरात भराडी, बोरगाव बाजार, आमठाणा, चिंचोली लिंबाजी, पिशोर व नाचनवेल या शाखांच्या मध्यभागी व सोयीस्कर अशा ठिकाणी संस्थेच्या मालकीच्या सहा एकर जमिनीवर १० हजार मेट्रिक टन क्षमतेचे गोडावून व कोल्ड स्टोरेज उपलब्ध करून देणार असून शेतीव्यवसायास चालना देण्याचे काम संस्था करणार आहे तसेच मालसाठवून ठेवल्याने आर्थिक अडचण आल्यास त्या शेतकऱ्यांना माल तारण कर्ज त्वरित उपलब्ध करून देणार आहे त्यामुळे शेतकऱ्यांचे शेतीमालास योग्य भाव मिळवून देवून त्यांना आर्थिक सक्षम करण्याचे संस्थेचे उद्दिष्ट आहे.

श्री. विश्वासराव गाढे

आर्थिक स्थैर्यातून सर्वांगीण विकास संस्थेच्या १० शाखांमधून हजारो सभासदांना बचत संस्कृती जोपासण्यापासून ते योग्य गुंतवणुकीसाठी मार्गदर्शन करण्यापर्यंत बँकेची मोठी भूमिका आहे. बँकेने वेळोवेळी नाविन्यपूर्ण ठेवी योजना, कर्ज योजना आणि डिजिटल बँकिंग सुविधा उपलब्ध करून ग्राहकांना आधुनिक आर्थिक सेवांचा लाभ दिला आहे.

विश्वास, पारदर्शकता आणि तंत्रज्ञानाचा महामार्ग बँकेच्या स्थापनेपासूनच विश्वास, पारदर्शकता आणि तंत्रज्ञान या त्रिसूत्रीवर तिचा विस्तार होत राहिला आहे. हजारो लघु उद्योजक, शेतकरी, व्यावसायिक आणि ग्राहकांच्या आर्थिक स्वावलंबनासाठी पूर्णा अर्बनने महत्त्वपूर्ण योगदान दिले आहे.

माझा विश्वास आहे की, भविष्यातही पूर्णा अर्बन बँकेच्या माध्यमातून ग्राहकाभिमुख सेवा अधिक सक्षम होतील आणि नवीन आर्थिक संधी उपलब्ध होतील. बँकेच्या यशामागे सभासदांचा विश्वास आणि कर्मचाऱ्यांची मेहनत यांचा मोठा वाटा आहे. तुमची साथ हेच आमचे बळ आहे.

धन्यवाद!
श्री. विश्वासराव गाढे (संस्थापक, पुर्णा अर्बन को.ऑप. क्रेडिट सोसायटी लि. सिल्लोड)